ވީއައިއޭ ކައިރި ހުންނަ ޓްރެފިކް ލައިޓް ނިވޭތީ ސަމާލުވާން ފުލުހުން އެދިއްޖެ

ފުލުހުން މަގުމަތީގައި: -- ފޮޓޯ/ ފުލުހުން

ވެލާނާ އިންޓަނޭޝަނަލް އެއާޕޯޓު (ވީއައިއޭ) އަށް އަޅާ ޖަންކްޝަންގައި ހަރުކުރެވިފައިވާ ޓްރެފިކް ލައިޓަށް ޓެކްނިކަލް މައްސަލައެއް ދިމާވެ، އެ ލައިޓް ނިވުމުގެ މައްސަލަ ދިމާވަމުންދާ ކަމަށް މިއަދު ފުލުހުން ބުނެފިއެވެ.

ފުލުހުން އެކްސްގައި ކުރި ޕޯސްޓެއްގައި ބުނީ، އެ ޖަންކްޝަންގެ ޓްރެފިކް ލައިޓަށް ދިމާވެފައިވަނީ ޓެކްނިކަލް މައްސަލައެއް ކަމަށާއި، މި މައްސަލަ ހައްލުކުރުމަށް ކަމާބެހޭ ފަރާތްތަކުން މަސައްކަތް ކުރަމުންދާ ކަމަށެވެ. މިކަމާ ގުޅިގެން ފުލުހުން ވަނީ އެ ސަރަހައްދުން ދަތުރުކުރާ މީހުން ސަމާލުވުމަށް އިލްތިމާސްކޮށްފައެވެ.

މީގެ އިތުރުން، އެ ސަރަހައްދުގެ ޓްރެފިކް ފްލޯ އޮމާންކަމާއެކު ކުރިއަށްދާކަން ޔަގީން ކުރުމަށް ޓްރެފިކް ފުލުހުން ހަރަކާތްތެރިވާނެ ކަމަށް ފުލުހުން ބުންޏެވެ.

ޓްރެފިކް ލައިޓް ނިވިފައިވުމުގެ ސަބަބުން އެ ސަރަހައްދުގެ ދަތުރުފަތުރަށް ހުރަސް ނޭޅޭނެ ގޮތަކަށް، އެ ސަރަހައްދުން ދަތުރު ކުރައްވާ އެންމެން ސަމާލުކަން ދިނުމަށް ފުލުހުން ވަނީ އެދިފައެވެ.

އަދި ޓްރެފިކް ކޮންޓްރޯލް ކުރުމަށް ޓަކައި އެ ސަރަހައްދުގައި ފުލުހުން ހަރަކާތްތެރިވަމުންދާތީ، ފުލުހުންގެ އިރުޝާދުތަކާ އެއްގޮތަށް އަމަލުކުރުމަށް ވެސް އެދިފައިވެއެވެ.

comment ކޮމެންޓް