އުރީދޫގެ ލިވް އަންލިމިޓަޑް ކެމްޕޭނުގެ 10 ވަނަ ނަސީބުވެރިއަކަށް އިބްރާހިމް ވަޖްދީ ހޮވި، އޭނާއަށް އުރީދޫގެ 10ވަނަ އުމްރާ ދަތުރުގު ފުރުސަތު ލިބިއްޖެއެވެ.
އުރީދޫ މޯލްޑިވްސްއިން މިހާރު ކުރިއަށް ގެންދާ އަހަރީ ދުވަހުގެ ކެމްޕެއިންގެ 10 ވަނަ ނަސީބުވެރި ފަރާތަކަށް ގދ. ވާދޫ، އިބްރާހިމް ވަޖްދީ، ހޮވިފައިވާކަން މިއަދު އުރީދޫން ވަނީ އިއުލާންކޮށްފައިވެއެވެ.
އުރީދޫން ބުނީ އިބްރާހިމް ވަޖްދީގެ ފަރާތުން އިނާމާއި ހަވާލުވީ މުޙައްމަދު އިބްރާހިމް ކަމަށެވެ. އުރީދޫ މޯލްޑިވްސްގެ އަހަރީ ދުވަހުގެ ކެމްޕެއިންގެ ތެރެއިން ކޮންމެ 20 ދުވަހަކުން 19 ކަސްޓަމަރަކަށް އުމްރާ ދަތުރެއް ދިނުމަށް ހަމަޖެހިފައިވާ ކަމަށް އުރީދޫން ބުންޏެވެ.
މި ޚާއްސަ ޕްރޮމޯޝަންގެ ދަށުން:
• ނަސީބުވެރި ކަސްޓަމަރަކަށް ކޮންމެ 20 ދުވަހަކުން އުމްރާ ދަތުރެއް ލިބޭނެ
• ނަސީބުވެރި 19 ކަސްޓަމަރަކަށް ޖުމުލަ 19 އުމްރާ ދަތުރެއް ދޭނެ
• މި ކެމްޕޭންގެ 20 ވަނަ އިނާމު ނުވަތަ ގްރޭންޑް ޕްރައިޒްއަކީ ދެ މީހަކަށް ހައްޖު ދަތުރެއް
މި ޕްރޮމޯޝަނުގައި ބައިވެރިވުމަށް:
• އުރީދޫ ކަސްޓަމަރެއް ނަމަ 30 ދުވަހުގެ ތެރޭގައި 250 ރުފިޔާއަށް ވުރެ މަތިން ބިލު ދައްކާ، ރީޗާޖުކޮށް ނުވަތަ އެޑްއޮން އެއް ބޭނުންކުރުން
- އުރީދޫ އާ އަލަށް ގުޅޭ ކަސްޓަމަރުން ޚިދުމަތް ބޭނުންކުރުމަށް 400 ރުފިޔާއިން މަތިން ބިލު ދައްކާ، ރީޗާޖުކޮށް ނުވަތަ އެޑްއޮން އެއް ބޭނުންކުރުން
އުރީދޫގެ ޕޯސްޓްޕެއިޑް، ޕްރީޕެއިޑް އަދި ސުޕަނެޓް ކަސްޓަމަރުން ވެސް މި ލަކީޑްރޯއަށް ޝަރުތުހަމަވާ ކަމަށް އުރީދޫން ބުންޏެވެ.
އުރީދޫން ވަނީ 20 އަހަރުގެ ކުޑަ މުއްދަތުގައި މުވާސަލާތީ އަދި ޓެކްނޮލޮޖީގެ ގޮތުން ފާހަގަކޮށްލެވޭ ގިނަ ލަނޑުދަނޑިތައް ހާސިލުކޮށްފައެވެ. މި ކެމްޕޭނަކީ އުރީދޫގެ ކާމިޔާބީގެ ފަހަތުގައި ތިބި ލޮބުވެތި ކަސްޓަމަރުންނާއި، ޚިދުމަތް ދިނުމުގައި ކެނޑިނޭޅި މަސައްކަތް ކުރަމުންދާ މުވައްޒަފުންގެ އަގު ވަޒަންކުރާ ކެމްޕެއިނެއް ކަމަށް ވެސް އުރީދޫން ބުންޏެވެ.