ދިރާގު އެލީޓް ކްލަބްގެ ޕާޓްނަރަކަށް އޯވީއެސް ހަމަޖައްސައިފި

ދިރާގު އެލީޓް ކްލަބްގެ އާ ޕާޓްނަރެއްގެ ގޮތުގައި އިޓަލީގެ މަޝްހޫރު ފެޝަން ބްރޭންޑް ކަމަށްވާ އޯވީއެސް ހަމަޖައްސައި، އެ ކްލަބުގެ މެންބަރުންނަށް ގިނަ ފައިދާތަކެއް ލިބޭނެ މަގު ވަނީ ފަހިކޮށްދީފައެވެ. މި ޕާޓްނަރޝިޕްގެ ދަށުން، ރާއްޖޭގައި ހުންނަ އޯވީއެސް ފިހާރައިން ވިޔަފާރިކުރާ އެލީޓް ކްލަބްގެ މެންބަރުންނަށް އަގުހެޔޮކޮށް މުދާ ގަނެވޭނެ އިންތިޒާމު ދިރާގުން ވަނީ ހަމަޖައްސާފައެވެ. މި ޕްރޮގްރާމަކީ ކަސްޓަމަރުންގެ އަގުވަޒަންކޮށް، އެފަރާތްތަކަށް އިތުރު ފުރިހަމަކަމެއް ގެނެސްދިނުމުގެ މަގުސަދުގައި ދިރާގުން ހިންގާ ހަރަކާތެކެވެ. ކުރިއަށް އޮތް ތާނގައިވެސް ކަސްޓަމަރުންނަށް އިތުރު ފައިދާތައް ހޯދައިދިނުމަށް އެލީޓް ޕާޓްނަރުންނާ ގުޅިގެން މަސައްކަތްކުރާނެ ކަމުގެ ޔަގީންކަން އެ ކުންފުނިން ދެއެވެ.

  • އާންމު ވިޔަފާރިތަކުގެ ބިލުން ދިރާގު އެލީޓް ކްލަބްގެ މެންބަރުންނަށް 10 އިންސައްތައިގެ ޑިސްކައުންޓެއް ލިބޭނެއެވެ.
  • 5،000 ރުފިޔާއިން މަތީގެ ބިލުތަކަށް 20 އިންސައްތައިގެ ބޮޑު ޑިސްކައުންޓެއް ލިބިގެންދާނެއެވެ.
  • ޑިސްކައުންޓް ހޯދުމަށް ފައިސާ ދައްކާއިރު ދިރާގު އެޕްގެ އެލީޓް ޑިޖިޓަލް ކާޑު ދައްކާލުމުން ފުދޭނެއެވެ.
  • އޯވީއެސް އަކީ ހެޔޮ އަގުގައި ޒަމާނީ ފޭރާމާއި ލައިފްސްޓައިލް އުފެއްދުންތައް ވިއްކާ ބައިނަލްއަގުވާމީ ބްރޭންޑެކެވެ.

ދިރާގު އެލީޓް ކްލަބްގެ ޕާޓްނަރެއްގެ ގޮތުގައި އިޓަލީގެ މަޝްހޫރު ފެޝަން ބްރޭންޑް، އޯވީއެސް ހަމަޖައްސައި، އެ ކްލަބުގެ މެންބަރުންނަށް ޚާއްސަ ޑިސްކައުންޓްތަކެއް ދޭން ފަށައިފިއެވެ.

ދިރާގުން މިއަދު ނެރުނު ނޫސްބަޔާނެއްގައި ބުނި ގޮތުގައި، މި ޕާޓްނާޝިޕްގެ ދަށުން ރާއްޖޭގައި ހުންނަ އޯވީއެސް ފިހާރައިން ވިޔަފާރިކުރާ ދިރާގު އެލީޓް ކްލަބްގެ މެންބަރުންނަށް ބިލުން 10 އިންސައްތައިގެ ޑިސްކައުންޓެއް ލިބޭނެއެވެ. އަދި 5،000 ރުފިޔާއިން މަތީގެ ބިލުތަކަށް 20 އިންސައްތައިގެ ޑިސްކައުންޓެއް ލިބޭނެ ކަމަށް އެ ކުންފުނިން ބުނެފައިވެއެވެ.

މި ޑިސްކައުންޓް ހޯދުމަށްޓަކައި، ފައިސާ ދައްކާއިރު ދިރާގު އެޕް މެދުވެރިކޮށް އެލީޓް ޑިޖިޓަލް ކާޑު ދައްކާލުމުން ފަސޭހަކަމާއެކު ޑިސްކައުންޓް ލިބޭނެ ކަމަށް ދިރާގުން މައުލޫމާތުދެއެވެ.

އޯވީއެސްއަކީ ޒަމާނީ އަދި ހިތްގައިމު ފޭރާމާއި، އެކި ކަހަލަ އެކްސެސަރީޒްގެ އިތުރުން ލައިފްސްޓައިލް އުފެއްދުންތައް ހެޔޮ އަގެއްގައި ފޯރުކޮށްދޭ ބައިނަލްއަގުވާމީ ބްރޭންޑެކެވެ.

ދިރާގުން ބުނި ގޮތުގައި އެލީޓް ކްލަބް ޕްރޮގްރާމަކީ ކަސްޓަމަރުންގެ އަގުވަޒަންކޮށް، އެ ފަރާތްތަކުގެ ދިރިއުޅުން އިތުރަށް ފުރިހަމަކޮށްދިނުމުގެ މަގުސަދުގައި ކުރިއަށްގެންދާ ޕްރޮގްރާމެކެވެ.

އަދި ކުރިއަށް އޮތް ތަނުގައި ވެސް އެލީޓް ޕާޓްނަރުންނާ ގުޅިގެން ކަސްޓަމަރުންނަށް އިތުރު ފައިދާތައް ހޯދައިދިނުމަށް މަސައްކަތް ކުރަމުންދާނެ ކަމަށް އެ ކުންފުނިން ފާހަގަކޮށްފައިވެއެވެ.

ގުޅޭ ޓެގު
comment ކޮމެންޓް