ކުލަގަދަކޮށް އަދި ސަގާފީ ހަރަކާތްތަކާއެކު ޢީދު ފާހަގަކުރަމުން އަންނަ ބ. ކަމަދޫގައި މިއަދު ހަވީރުން ފެށިގެން ވަނީ ކަރަންޓު ކެނޑިފައެވެ. ކަމަދޫ ކައުންސިލުން މައުލޫމާތު ދެއްވާ ގޮތުގައި މި މައްސަލަ ދިމާވެފައިވަނީ ކަރަންޓު ކޭބަލަކަށް ލިބުނު ގެއްލުމެއްގެ ސަބަބުންނެވެ. އެހެންކަމުން ތިން ގަޑިއިރަށްވުރެ ގިނައިރު ވަންދެން ރައްޔިތުންނަށް ވަނީ ކަރަންޓުގެ ޚިދުމަތް މެދުކެނޑިފައެވެ.
މި މައްސަލަ އަވަހަށް ހައްލުކުރުމަށްޓަކައި ކައިރީގައިވާ ރިސޯޓަކުން އައު ކޭބަލެއް ހޯދައިގެން، ފެނަކަ ކޯޕަރޭޝަނާއި ރަށު ކައުންސިލް ގުޅިގެން މިހާރު ދަނީ މަސައްކަތް ކުރަމުންނެވެ. މިކަމުގެ ސަބަބުން، ފަސް ދުވަހުގެ މުއްދަތަކަށް އެ ރަށުގައި ރާވާފައިވާ ޢީދުގެ ޚާއްޞަ މިއުޒިކް ޝޯތަކާއި ސަގާފީ ކުޅިވަރުތަކަށް ވަނީ ހުރަސްއެޅިފައެވެ.
- ކަރަންޓުގެ ޚިދުމަތް މެދުކެނޑިފައިވަނީ މިއަދު ހަވީރު 16:30 ހާއިރުއެވެ.
- ކަރަންޓު ކެނޑެން މެދުވެރިވި މައިގަނޑު ސަބަބަކީ ކޭބަލަކަށް ދިމާވި މައްސަލައެކެވެ.
- ކައިރި ރިސޯޓަކުން ކޭބަލް ހޯދައިގެން ފެނަކައާއި ކައުންސިލުން ގުޅިގެން ދަނީ މައްސަލަ ހައްލުކުރަމުންނެވެ.
- ކަރަންޓު ނެތުމުގެ ސަބަބުން، ރަށުގައި ފަސް ދުވަހަށް ކުރިއަށްގެންދަން ރާވާފައިވާ ޢީދު ކުޅިވަރުތަކަށް ވަނީ މަޑުޖެހުމެއް އައިސްފައެވެ.
ސަގާފީ ދިވެހިވަންތަ ކުޅިވަރުތަކާއެކު ކުލަގަދަކޮށް ޢީދު ފާހަގަކުރާ ބ. ކަމަދޫގައި ކަރަންޓު ކެނޑިފައި އޮންނަތާ ތިންގަޑިއިރަށްވުރެ ގިނައިރުވެއްޖެއެވެ.
'ސަން'އަށް މައުލޫމާތު ލިބިފައވާ ގޮތުގައި ކަމަދޫން ކަރަންޓު ކެނޑުނީ މިއަދުގެ ހަވީރު 16:30 ހާއިރެވެ.
ކަމަދޫ ކައުންސިލްގެ ރައީސް ހަސަން ޒަރީރު ވިދާޅުވީ، ކަރަންޓު ކެނޑުނީ ކޭބަލަކަށް ދިމާވި މައްސަލައަކާ ގުޅިގެން ކަމަށެވެ. މިހާރު ފެނަކައާއި ކައުންސިލާއި ގުޅިގެން އެ މައްސަލަ ހައްލުކުރުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވިއެވެ.
"ސަން"އަށް މައުލޫމާތު ދެމުން އެ ރަށުގެ މީހަކު ބުނީ ކޭބަލް ހަލާކުވުމުގެ ސަބަބުން ކައިރީ ރިސޯޓަކުން ކޭބަލް ހޯދައި ކަރަންޓު ދިނުމުގެ މަސައްކަތް ފެނަކައާއި ކައުންސިލުން ގުޅިގެން މިހާރު ކުރަމުން އަންނަކަމަށެވެ.
ގާތްގަނޑަކަށް 500 މީހުން ދިރިއުޅޭ ކަމަދޫއަކީ ފޯރިއާއެކު އީދު ފާހަގަކުރަމުން އަންނަ ރަށެކެވެ. މި އީދުގައި، އެ ރަށުގައި ފަސް ދުވަހު ސަގާފީ ހަރަކާތްތަކާއި، މިއުޒިކް ޝޯތައް ބާއްވަން ރާވައިފައިވެއެވެ.
