މީގެ ކުރިން ފެނަކަ ކޯޕަރޭޝަނުން ފޯރުކޮށްދެމުންދިޔަ މ. އަތޮޅުގެ ހުރިހާ ރަށެއްގެ ޔުޓިލިޓީ ޚިދުމަތްތައް ހިންގުމާ ސްޓެލްކޯއިން ރަސްމީކޮށް ހަވާލުވެއްޖެއެވެ. މިކަމާ ގުޅޭ އެއްބަސްވުމުގައި ސްޓެލްކޯގެ ފަރާތުން މެނޭޖިން ޑިރެކްޓަރު ޑރ. އަލީ އަޒުވަރު ސޮއިކުރެއްވިއިރު، ފެނަކައިގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު މުހައްމަދު އަފީފް ހުސައިނެވެ.
މި ބަދަލަކީ ރައްޔިތުންނަށް ދެވޭ ޚިދުމަތްތަކުގެ ފެންވަރު މަތިކޮށް، ނިޒާމު ހަރުދަނާކުރުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ގެންނަވަމުންދާ ބަދަލުތަކުގެ ތެރެއިން ގެނެވުނު ބަދަލެކެވެ. މ. އަތޮޅުގެ އިތުރުން ބ. އަދި ޅ. އަތޮޅުގެ ޚިދުމަތްތައްވެސް ފިނޭންސް މިނިސްޓްރީން ވަނީ ސްޓެލްކޯގެ ދަށަށް ބަދަލުކޮށްފައެވެ. މީގެ ސަބަބުން ޚިދުމަތް ފޯރުކޮށްދިނުމުގެ އޮޕަރޭޝަންތައް އިތުރަށް ހަރުދަނާވެގެންދާނެއެވެ.
- މ. އަތޮޅުގެ ހުރިހާ ރަށެއްގެ (ދިއްގަރު، ކޮޅުފުށި، މަޑުއްވަރީ، މުލި، ނާލާފުށި، ރަތްމަންދޫ، އަދި ވޭވަށުގެ) ޔުޓިލިޓީ ޚިދުމަތް ސްޓެލްކޯއާ ވަނީ ހަވާލުކޮށްފައެވެ.
- މި ބަދަލު ގެނެސްފައިވަނީ ރައްޔިތުންނަށް ފޯރުކޮށްދޭ ޚިދުމަތްތައް އިތުރަށް ތަރައްގީކުރުމަށް ސަރުކާރުން ގެންގުޅޭ ސިޔާސަތުގެ ދަށުންނެވެ.
- އެއްބަސްވުމުގައި ސޮއިކުރެއްވީ ސްޓެލްކޯގެ މެނޭޖިން ޑިރެކްޓަރު ޑރ. އަލީ އަޒުވަރު އަދި ފެނަކައިގެ މެނޭޖިން ޑިރެކްޓަރު މުހައްމަދު އަފީފް ހުސައިނެވެ.
- މ. އަތޮޅުގެ އިތުރުން ބ. އަތޮޅާއި ޅ. އަތޮޅުގެ ޔުޓިލިޓީ ޚިދުމަތްތައްވެސް ވަނީ ފެނަކައިން ސްޓެލްކޯއަށް ބަދަލުކުރެވިފައެވެ.
ފެނަކަ ކޯޕަރޭޝަނުން ކުރިން ހިންގި މ. އަތޮޅުގެ ހުރިހާ ރަށެއްގެ ޔުޓިލިޓީ ޚިދުމަތްތައް ސްޓެލްކޯއާ ރަސްމީކޮށް މިއަދު ހަވާލުކޮށްފިއެވެ.
ސްޓެލްކޯއިން މިއަދު ވަނީ މ. އަތޮޅުގެ ދިއްގަރާއި ކޮޅުފުއްޓާއި މަޑުއްވަރީގެ އިތުރުން މުއްޔާއި ނާލާފުއްޓާއި ރަތްމަންދޫ އަދި ވޭވަށުގެ ޔުޓިލިޓީ ޚިދުމަތްތަކާއި އެކުންފުނިން މިއަދު ރަސްމީކޮށް ހަވާލުވެފައިވާ ކަމަށް ބުނެފައެވެ.
ރަށްތަކުގައި ޔުޓިލިޓީ ޚިދުމަތް ފޯރުކޮށްދިނުމާ ބެހޭ އެއްބަސްވުމުގައިި ސްޓެލްކޯގެ ފަރާތުން ސޮއި ކުރެއްވީ މެނޭޖިން ޑިރެކްޓަރު ޑރ. އަލީ އަޒުވަރެވެ. އަދި ފެނަކައިގެ ފަރާތުން ސޮއި ކުރެެއްވީ އެ ކުންފުނީގެ މެނޭޖިން ޑިރެކްޓަރު މުހައްމަދު އަފީފް ހުސައިނެވެ.
ސްޓެލްކޯއިން ބުނީ ފެނަކަ ކޯޕަރޭޝަނުން ޔުޓީލިޓީ ޚިދުމަތް ދެމުންދިޔަ އެ ރަށްތައް ސްޓެލްކޯގެ ދަށަށް ބަދަލުކޮށްފައި ވަނީ ސަރުކާރުން ރައްޔިތުންނަށް ދެމުންގެންދާ ޚިދުމަތްތައް އިތުރަށް ތަރައްގީކުރުމުގެ ނިޒާމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ގެންނަމުންދާ ހެޔޮ ބަދަލުތަކުގެ ތެރެއިން ކަމަށެވެ.
ފާހަގަކޮށްލެވޭ ގޮތުގައި ފިނޭންސް މިނިސްޓްރީއިން ވަނީ އާންމުންނަށް ފޯރުކޮށްދޭ ޚިދުމަތްތައް ރަނގަޅުކުރުމުގެ ގޮތުން މ އަތޮޅާއި ބ އަތޮޅުގެ އިތުރުން ޅ އަތޮޅުގައި ފެނަކައިން ދެމުންފިޔަ ޚިދުމަތް ސްޓެލްކޯގެ ދަށަށް ބަދަލުކޮށްފައެވެ.
ސްޓެލްކޯއިން މިހާރުވެސް އަންނަނީ މާލެ ސަރަހައްދުގެ އިތުރުން ކ އަތޮޅާއި އއ އަތޮޅާއި އދ އަދި ވ އަތޮޅުގައި ޔުޓިލިޓީގެ ޚިދުމަތް ދެމުންނެވެ.
