އާޖެންޓީނާގެ މި ޓީމަކީ އަބަދުވެސް ބޮޑެތި ގޮންޖެހުންތަކާއި ނުތަނަވަސް ހާލަތްތަކާ ކުރިމަތިލާންޖެހޭ ވަގުތުތަކުގައި ތަފާތު ދައްކާ ޓީމެއް ކަމަށާއި މެޗުގައި ގޯލެއް ކާމިޔާބުނުވެ، ހަމަލާތައް ދަނޑިއަށް އަމާޒުވަމުންދިޔަ ނަމަވެސް، ކުޅުންތެރިން ފަހު ސިކުންތާ ހަމައަށް ކުރި ހިތްވަރާމެދު ފަހުރުވެރިވާ ކަމަށް އާޛެންޓީނާގެ ކޯޗު ލިއޮނަލް ސްކަލޯނީ ބުނެފިއެވެ.
ފަހަތުން އަރައި އިންގްލެންޑްގެ މައްޗަށް ކުރިހޯދައި، ފީފާ ވޯލްޑް ކަޕްގެ ފައިނަލުގެ ޖާގައެއް އާޖެންޓީނާއިން ކަށަވަރުކުރުމާއެކު، އެޓީމުން ދެއްކި ހިތްވަރަށް ކޯޗު ލިއޮނަލް ސްކަލޯނީ ވަނީ އޭނާގެ ޓީމުގެ ކުޅުމަށް ތައުރީފުކޮށް ގިނަ ވާހަކަތަކެއް ދައްކާފައެވެ.
އެޓްލާންޓާގައި ކުޅުނު ސެމީ ފައިނަލް މެޗުގައި އިންގްލެންޑުން ކުރިހޯދާފައިވަނިކޮށް، އާޖެންޓީނާއިން ވަނީ ފަހަތުން އަރައި 2-1 ގެ ނަތީޖާއަކުން މެޗު ކާމިޔާބުކޮށްފައެވެ.
ބުދަ ދުވަހު ނޫސްވެރިންނާ ވާހަކަދައްކަމުން ސްކަލޯނީ ބުނީ، އިންގްލެންޑުން ލީޑު ނެގުމަށްފަހު ފަހަތަށް ޖެހި ކުޅެން ފެށުމުން އާޖެންޓީނާއަށް މޮޅުވުމުގެ އިހުސާސްވި ކަމަށާއި، އެއާއެކު މުޅި ޓީމުން ކުރި ބުރަ މަސައްކަތުން ހައްގު މޮޅެއް ހޯދީ ކަމަށެވެ.
މެޗުގައި ގޯލެއް ކާމިޔާބުނުވެ، ހަމަލާތައް ދަނޑިއަށް އަމާޒުވަމުންދިޔަ ނަމަވެސް، ކުޅުންތެރިން ފަހު ސިކުންތާ ހަމައަށް ކުރި ހިތްވަރާމެދު އޭނާ ހުރީ ވަރަށް ބޮޑަށް ހިތްހަމަޖެހިފައެވެ. މިއީ މިފަހަރުގެ ނޮކްއައުޓް ބުރުގައި އާޖެންޓީނާ ފަހަތުން އަރައި މެޗު ކާމިޔާބުކުރި ދެވަނަ ފަހަރެވެ.
މީގެ ކުރިން ގަދަ 16 ގައި މިސްރު އަތުން ހޯދި މޮޅަށްވުރެ ވެސް މި މެޗު މާ ފުރިހަމަކަމަށް ސްކަލޯނީ ބުންޏެވެ. އަދި މިއީ އޭގެ ދެގުނަ އާދަޔާ ހިލާފު މޮޅެއްގެ ގޮތުގައި ސިފަކުރިއެވެ.
އަންނަ އާދިއްތަ ދުވަހު ނިއު ޖާޒީގައި ކުޅޭ ފައިނަލް މެޗުގައި ޔޫރަޕްގެ ޗެމްޕިއަން ސްޕެއިންއާ ދެކޮޅަށް އާޖެންޓީނާ ނިކުންނައިރު، ސްކަލޯނީއަށް މިވަނީ ތާރީހީ ކާމިޔާބެއް ހޯދުމުގެ ފުރުސަތު ލިބިފައެވެ.
އެއީ 2022 ގެ ވޯލްޑް ކަޕާއި ދެ ކޮޕާ އެމެރިކާގެ ފަހުން، ޖެހިޖެހިގެން 4 ވަނަ ބޮޑު މުބާރާތް ކާމިޔާބުކުރުމެވެ.