ގޭންގުތަކުގައި ހަރަކާތްތެރިވަމުން ދިޔަ 21 ކުއްޖަކު ރިހެބިލިޓޭޓް ކުރުމަށް ދ. ވާނީއަށް މިއަދު ފޮނުވައިފި އެވެ.
ހޯމް މިނިސްޓަރު އުމަރު ނަސީރު ކުރެއްވި ޓުވީޓެއްގައި ވިދާޅުވީ އެ 21 ކުދިންނަކީ ގާނޫނުތަކަށް ހުރަސްއަޅާ ކުދިން ކަމަށާއި 27 ޓްރެއިނަރުން އެކުލެވޭ ޑައިވާޝަން ޕްރޮގްރާމެއްގައި އެކުދިން ބައިވެރިކުރުވާނެ ކަމަށެވެ.
21 children in conflict with the law has just left Male' to Dh Vaanee for a diversion program accompanied by 27 trainers. All the best.
— Umar Naseer (@UmarNaseerPPM) June 16, 2016
ވާނީގައި ހުންނަ ފުލުހުންގެ ތަމްރީނު މަރުކަޒުގައި ގެންދާ ރިހިބިލިޓޭޝަން ޕްރޮގްރާމަކީ އެމްއެންޑީއެފް އާއި ޖެންޑާ މިނިސްޓްރީއާއި ޖުވެނައިލް ޖަސްޓިސް ޔުނިޓާ ގުޅިގެން ކުރިއަށް ގެންދާ ޕްރޮގްރާމެއް ކަމަށް ހޯމް މިނިސްޓަރު ވަނީ ވިދާޅުވެފަ އެވެ.
ކުށުގެ ވެށީގައި ކުއްޖަކު އުޅޭ ނަމަ މައިބަފައިން ރުހުނަސް ނުރުހުނަސް އެ ކުދިން ވާނީ އަށް ގެންގޮސް ރިހެބިލިޓޭޝަން ޕްރޮގްރާމް ހިންގާނެ ކަމަށް މިނިސްޓަރު ވިދާޅުވި އެވެ.