ގައުމީ ޔުނިވާސިޓީގެ އެގްޒާމިނޭޝަންސް ކޮންޓްރޯލާގެ މަގާމަށް ނަހުޒާ ޝަރީފް އައްޔަނުކޮށް، މިއަދު މަގާމު ހަވާލުކޮށްފިއެވެ.
ނަހުޒާއަކީ ތައުލީމީ ދާއިރާގައި ދިގު މުއްދަތަކަށް ޚިދުމަތް ކުރައްވާފައިވާ ބޭފުޅެކެވެ. އެގޮތުން، އޭނާ ވަނީ ތާޖުއްދީން ސުކޫލުގެ މިޑިލް ސްކޫލް ޓީޗަރު ކަމާއި ސުޕަވައިޒަރުކަމާއި ލީޑިން ޓީޗަރެއްގެ މަގާމު ފުރުއްވާފައެވެ.
އެމްއެންޔޫގެ އެގްޒާމިނޭޝަންސް ކޮންޓްރޯލާގެ މަގާމަށް ނަހުޒާ އައްޔަން ކުރައްވައި އޭނާއާ ލިޔުން ހަވާލު ކޮށްދެއްވީ, އެ ޔުނިވާސިޓީގެ ވައިސް ޗާންސެލަރު ޑރ. ޢާއިޝަތު ޝެހެނާޒް އާދަމްއެވެ.
އެގްޒާމިނޭޝަންސް ކޮންޓްރޯލާއަކީ ތައުލީމީ ޚިދުމަތް ދޭ ތަންތަނުގައި އިމްތިހާނާ ގުޅޭ ހުރިހާ ކަމެއް ބަލަހައްޓައި ހިންގުމުގެ ޒިންމާ އުފުލާ އިދާރީ މަގާމެކެވެ.
އެ ޔުނިވާސިޓީގައި ބޭއްވި ރަސްމިއްޔާތެއްގައި، ނަހުޒާ ވިދާޅުވީ، ޓެކްނޮލިޖީގެ ދާއިރާއިން އަވަސް ކުރިއެރުންތަކެއް ހާސިލުކުރަމުން އަންނަ ޒަމާނެއްގައި އެ ހަގީގަތް އިމްތިހާނުގެ ނިޒާމުން ފެންނަން ޖެހޭ ކަމަށެވެ.
އެކި ވައްތަރުގެ ފޯމިއުލާތައް ބޭނުންކޮށްގެން މިހާރު މަސައްކަތް ކުރަނީ އިމްތިހާނު ބެލެހެއްޓުމުގެ ނިޒާމެއްގެ ތެރެއިން ޔުނިވާސިޓީއަށް އިތުރަށް ތަޖުރިބާ އެކަށައެޅުމަށް ކަމަށް ނަހުޒާ ވަނީ ވިދާޅުވެފައެވެ.
އޭނާ ފާހަގަކުރެއްވި ގޮތުގައި، ހާމަކަން ބޮޑު ކަމާއި އިންސާފުވެރިކަމާ އެއްކޮށް ކަންކަން ކުރުމަށް އިމްތިހާނު ކުރިއަށްދާ ޕްރޮސެސްގެ މައްޗަށް އިތުބާރު ބިނާކުރުމަކީ މައިގަނޑު އެއް އުސޫލު ކަމަށެވެ.
"ކޮންމެ ކާމިޔާބު އިމްތިހާނެއްގެ ފަހަތުގައި ވެސް ވަނީ ޚާއްސަ ޓީމެއްގެ މަސައްކަތް، އަޅުގަނޑުމެންގެ އަމާޒަކީ މުވައްޒަފުންގެ ތަމްރީނާއި ހުނަރު އިތުރުކުރުން. އަދި، އެކި ދާއިރާތަކުގެ މެދުގައި އެއްބާރުލުން އިތުރުކުރުމަށް މަސައްކަތް ކުރުން" ނަހުޒާ ވިދާޅުވިއެވެ.
ނަހުޒާ ފަހުން ވަނީ ތައުލީމީ ވުޒާރާގެ ކޮލެޓީ އެޝުއަރެންސް ޑިޕާޓުމަންޓުގެ އެޑިއުކޭޝަން އޮފިސަރު ކަމާއި ސީނިއާ ކޮލެޓީ އެޝުއަރެންސް އެނެސްޓް މަގާމު ފުރުއްވާފައެވެ.