މީގެ އަހަރުތަކެއް ކުރިން ބާލާޖީ ޓެލެފިލްމްސްގެ ގޮފި އޭއެލްޓީ ބާލާޖީން ގެނެސްދިން ބިރުވެރި ފިލްމު "ރާގިނީ އެމްއެމްއެސް"ގެ ތިންވަނަ ފިލްމުގެ ލީޑް ބަތަލާއަކަށް ތަމަންނާ ބާޓިއާ ސޮއިކޮށްފައިވާ ކަމަށް ރިޕޯޓުތައް ބުނެފިއެވެ.
ބޮލީވުޑްގެ ފިލްމުތަކުން މިހާރު ވެސް ފުރުސަތުތަކެއް ލިބެމުން އަންނަ ބަތަލާއަށް "ރާގިނީ އެމްއެސްއެސް 3"އިން ފުރުސަތު ލިބުނީ "އިސްތިރީ" ފްރެންޗައިސްގެ ދަށުން ގެނެސްދިން އެންމެ ފަހު ފިލްމުން ތަމަންނާއަށް ލިބުނު ތަރުހީބާ ގުޅިގެންނެވެ.
"ރާގިނީ އެމްއެމްއެސް"ގެ ތިންވަނަ ފިލްމެއް ގެނެސްދިނުމުގެ ޚިޔާލު ޑައިރެކްޓަރު އެކްތާ ކަޕޫރު ގެންގުޅޭތާ ވަރަށް ގިނަ ދުވަސްވެފައިވާ ކަމަށާއި ފިލްމުގެ ސްކްރިޕްޓް އެކުލަވާލުމުގެ މަސައްކަތް އެކްތާ ފަށާފައިވާ ކަމަށް ޕިންކްވިލާގައި ވަނީ ބުނެފައެވެ.
ފިލްމު "ރާގިނީ އެމްއެމްއެސް"ގެ އެކްޓަރު ރާޖްކުމާރު ރާއޯ--ފޮޓޯ/ހިންދުންސްތާންޓައިމްސް
މި ފިލްމު ތަމަންނާއަށް ހުށަހަޅާފައިވަނީ ބަތަލާ މިހާރު މަސައްކަތް ކުރަމުން އަންނަ ފޯކް ތުރިލާ ފިލްމު "ވާން"ގެ ސެޓުގައެވެ. ސިދާތު މަލްހޯތުރާއާ އެކު ތަމަންނާ ފެންނާނެ މި ފިލްމަކީ ބާލާޖީ ޓެލެފިލްމްސްއިން ގެނެސްދީ އިންޑިއަން މިތިއޮލޮޖީއެކެވެ.
ފިލްމު "ރާގިނީ އެމްއެމްއެސް"ގެ ފްރެންޗައިސްއަކީ ތަމަންނާ ވަރަށް ޝައުގުވެރިވާ ޖޯންރާއެއް ކަމުން އެކްތާއާ އެކު އިތުރު ފިލްމެއްގައި މަސައްކަތް ކުރުމަށް ތަމަންނާ ވަރަށް ބޮޑަށް ބޭނުންވާ ކަމަށް ޕިންކްވިލާގައި ވަނީ ބުނެފައެވެ.
ފިލްމު "ރާގިނީ އެމްއެމްއެސް"ގެ އެންމެ ފުރަތަމަ ބައިން ފެނުނު މުހިއްމު ތަރިންގެ ތެރޭ ރާޖް ކުމާރު ރާއޯ އަދި ކައިނާޒް މޯތިވާލާ ހިމެނެއެވެ.
އޭގެ ފަހުން 2014 ވަނަ އަހަރު ގެނެސްދިން ދެވަނަ ފިލްމުން ބަތަލާގެ ރޯލުން ފެނުނީ ސަނީ ލިއޯންއެވެ. ރިޕޯޓުތައް ބުނާގޮތުން "ރާގިނީ އެމްއެމްއެސް 3"ގެ މަސައްކަތް މި އަހަރުގެ ފަހުކޮޅު ފެށުމަށް އެކްތާ އަންނަނީ ތައްޔާރުވަމުންނެވެ.