އިދިކޮޅު އެންމެ ބޮޑު ޕާޓީ، އެމްޑީޕީގެ ޓިކެޓުގައި ކުރިއަށް އޮތް ކައުންސިލް އިންތިޚާބުގައި ވާދަކުރަން ބޭނުންވާ ބޭފުޅުން ޝައުގުވެރިކަން ފާޅުކުރަން އެ ޕާޓީން އިއްޔެ ހުޅުވާލައިފިއެވެ.
ކައުންސިލް އިންތިޚާބު އޮތީ އަންނަ އަހަރެވެ.
އެމްޑީޕީން އިއްޔެ ކުރި އިއުލާނެއްގައި ބުނީ، އެ ޕާޓީގެ ޓިކެޓުގައި ލޯކަލް ކައުންސިލާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިޚާބުގައި ވާދަކުރަން ބޭނުންވާ އެމްޑީޕީ މެންބަރުންނަށް ސެޕްޓެންބަރު 30 ވާ އަންގާރަ ދުވަހުގެ 14:00 އާ ހަމައަށް ހުޅުވާލާފައިވާ ކަމަށެވެ. އެ ޕާޓީގެ ޕްރައިމަރީގައި ވާދަކުރެވޭނީ ޝައުގުވެރިކަން ފާޅުކުރާ ކެންޑިޑޭޓުންނަށް އެކަންޏެވެ.
އެކަމަކު، ޕްރައިމަރީ ބާއްވާ ތާރީޚެއް ފަހުން އިއުލާނު ކުރާނެ ކަމަށް އެ ޕާޓީން ވަނީ ބުނެފައެވެ.
އެމްޑީޕީގެ ޓިކެޓުގައި ކައުންސިލަށް ވާދަކުރެވޭނީ:
- އެމްޑީޕީ މެންބަރުންނަށް
- ކައުންސިލް އިންތިޚާބުގައި ވާދަކުރުމުގެ ޝަރުތުތައް ފުރިހަމަވާ މީހަކަށް
- އަންހެނުން ކޮމިޓީއަށްނަމަ އެ ޝަރުތުތައް ހަމަވާ މީހަކަށް
އެމްޑީޕީން ވަނީ އެ ޕާޓީގެ ޓިކެޓުގައި އިންތިޚާބުގައި ވާދަކުރަން ބޭނުންވާ ބޭފުޅުން ޝައުގުވެރިކަން ފާޅުކުރާ ފޯމާ އެކު ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ކުށާއި ދަރަނީގެ ރިކޯޑު ސާފުކުރާ ފޯމް އެ އިދާރާއިން ސާފުކޮށް ފުރިހަމަކުރުމަށް ފަހު ހުށަހަޅަން އެދިފައެވެ.
ޖުމުލަ 43,675 މެންބަރުން ތިބި އެމްޑީޕީއަކީ މި ވަގުތު ރާއްޖޭގައި އޮތް އެންމެ ބޮޑު އިދިކޮޅު ސިޔާސީ ޕާޓީއެވެ. އެކަމަކު، ކުރިއަށް އޮތް 2028 ވަނަ އަހަރުގެ ރިޔާސީ އިންތިޚާބުގެ ވާދަވެރިކަން އެ ޕާޓީގެ ތެރޭގައި ބޮޑުވެ، އެންމެ ރަނގަޅަށް ޒިންމާ އަދާނުކުރެވޭ ކަމަށް އިދިކޮޅު ފަރާތްތަކުން ގަބޫލުކުރެއެވެ.
އެކަމަކު، އެ ޕާޓީން އެކަން ދޮގުކުރެއެވެ. މިދިޔަ ރިޔާސީ އިންތިޚާބާއި މަޖިލީސް އިންތިޚާބުގައި ވެސް ނާކާމިޔާބުވީ އެމްޑީޕީން އަންނަނީ ކައުންސިލް އިންތިޚާބު ކާމިޔާބުކުރަން މަސައްކަތްކުރަމުންނެވެ.