މޯލްޑިވްސް އިސްލާމިކް ބޭންކް (އެމްއައިބީ) އިން މުޅި ރާއްޖެއަށް އެ ބޭންކުގެ ޚިދުމަތްތައް ފުޅާކުރުމަށް ކުރަމުންގެންދާ މަސައްކަތުގެ ދަށުން، ލ. ކަލައިދޫގައި އައު އޭޓީއެމްއެއް ވަނީ ހުޅުވާފައެވެ. މި އޭޓީއެމްގެ ސަބަބުން ކަލައިދޫގެ އިތުރުން އިސްދޫގެ ރައްޔިތުންނާއި ވިޔަފާރިތަކަށް ދިވެހި ރުފިޔާ ޖަމާކުރުމާއި ފައިސާ ނެގުމުގެ ޚިދުމަތް ވަރަށް ބޮޑަށް ފަސޭހަވެގެންދާނެއެވެ.
ރަށުގެ މުޖުތަމައުގެ މާލީ ބޭނުންތަކަށް އެހީތެރިވުމަށް ފަރުމާކޮށްފައިވާ މި ޚިދުމަތް ރަސްމީކޮށް ފައްޓަވައިދެއްވީ ރައްޔިތުންގެ މަޖިލީހުގެ އިސްދޫ ދާއިރާގެ މެންބަރު އިސްމާއިލް ޝަފީއުއާއި، އެމްއައިބީގެ އިސްވެރިންނާއި އަދި ކަލައިދޫ ކައުންސިލްގެ ރައީސްއެވެ. މިއީ ސެލްފް ސާވިސް ބޭންކިން ނެޓްވޯކް މުޅި ރާއްޖޭގައި ގާއިމުކުރުމަށް އެ ބޭންކުން ކުރިއަށްގެންދާ މަޝްރޫއުގެ މުހިންމު އެއް ބަޔެވެ.
- ލ. ކަލައިދޫގައި އެމްއައިބީގެ އައު އޭޓީއެމްއެއް ގާއިމުކޮށް ޚިދުމަތް ދޭން ފެށުން.
- މި ޚިދުމަތް ތައާރަފުކޮށްދެއްވީ އިސްދޫ ދާއިރާގެ މެންބަރާއި، ކަލައިދޫ ކައުންސިލްގެ ރައީސް އަދި އެމްއައިބީގެ އިސްވެރިން.
- އޭޓީއެމް މެދުވެރިކޮށް ދިވެހި ރުފިޔާ ޖަމާކުރުމާއި ނެގުމުގެ ޚިދުމަތް އިސްދޫ އަދި ކަލައިދޫގެ ރައްޔިތުންނަށް ލިބިގެންދާނެ.
- މިއީ ރާއްޖޭގެ އެކި ކަންކޮޅުތަކުގައި ބޭންކިން ޚިދުމަތް ފުޅާކޮށް، މާލީ މުއާމަލާތްތައް ފަސޭހަކުރުމަށް އެމްއައިބީން ކުރާ މަސައްކަތުގެ ބައެއް.
މޯލްޑިވްސް އިސްލާމިކް ބޭންކް (އެމްއައިބީ) އިން ލ. ކަލައިދޫގައި އެ ބޭންކުގެ އޭޓީއެމްއެއް ހުޅުވައިފިއެވެ.
ކަލައިދޫގައި އޭޓީއެމްގެ ޚިދުމަތް ތައާރަފުކޮށްދެއްވީ ރައްޔިތުންގެ މަޖިލީހުގެ އިސްދޫ ދާއިރާގެ މެންބަރު އިސްމާއިލް ޝަފީއުއާއި، އެމްއައިބީގެ ހެޑް އޮފް ޑިސްޓްރިބިއުޝަން އިބްރާހީމް ޝުހައިލާއި ކަލައިދޫ ކައުންސިލުގެ ރައީސް އަޙްމަދު ޝިޔާމެވެ.
އެމްއައިބީއިން ބުނީ މިއީ ރާއްޖޭގެ އެކި ކަންކޮޅުތަކުގައި އެމްއައިބީގެ ޚިދުމަތްތައް ފުޅާކުރުމުގެ މަސައްކަތުގެ ތެރެއިން ކުރެވުނު މުހިންމު މަސައްކަތެއް ކަމަށެވެ.
ލ. ކަލައިދޫގައި އެމްއައިބީގެ އޭޓީއެމް ހުޅުވުމަށް ބޭއްވި ރަސްމިއްޔާތުގެ ތެރެއިން --- ފޮޓޯ: އެމްއައިބީ
އަލަށް ގާއިމުކުރި އެ އޭޓީއެމް މެދުވެރިކޮށް ދިވެހި ރުފިޔާ ޖަމާކުރުމާއި ނެގުމުގެ ޚިދުމަތް އިސްދޫ އަދި ކަލައިދޫގެ ރައްޔިތުންނާއި ވިޔަފާރިތަކަށް ފަސޭހަކަމާއެކު ލިބޭނެ ކަމަށް އެ ބޭންކުން ވަނީ ބުނެފައެވެ.
އެމްއައިބީން ބުނި ގޮތުގައި އެ އޭޓީއެމް ޚިދުމަތް ފަރުމާކޮށްފައި ވަނީ ބޭންކިން ފަސޭހަކުރުމާއި ރަށުގެ މުޖުތަމައުގެ ކުރިއަރަމުން އަންނަ މާލީ ބޭނުންތަކަށް އެހީތެރިވުމުގެ ގޮތުންނެވެ.
އެ ބޭންކުން ގެންދަނީ މާލީ ޚިދުމަތް ފޯރުކޮށްދިނުން ފުޅާކުރުމުގެ ގޮތުން މުޅި ރާއްޖޭގައި އޭޓީއެމް އަދި ސެލްފް ސާވިސް ބޭންކިން ނެޓްވޯކް ޚިދުމަތް ތާރަފުކުރަމުންނެވެ.
