ލަންކާގައި ބާއްވާ "ސައުތު އޭޝިއަން ސުޕަރ ކަޕް 2025" ފުޓްބޯޅަ މުބާރާތުގައި ވާދަކުރާ ރާއްޖޭގެ ސީނިއާ ޓީމުގެ ފަރިތަކުރުންތައް މިއަދު ފަށައިފިއެވެ.
ސްރީ ލަންކާގައި ކުރިއަށްދާ މުބާރާތުގައި އެ ޤައުމާ ދެކޮޅަށް ދެ މެޗެއް ކުޅުމަށް ހަމަޖެހިފައިވާއިރު، ސައުތު އޭޝިއަން ސުޕަ ކަޕްގައި ރާއްޖެ އާއި ސްރީލަންކާ ވާދަކުރާ ދެ މެޗު އޮންނާނީ އަންނަ މަހުގެ ހަ ވަނަ ދުވަހު އާއި ނުވަ ވަނަ ދުވަހު ކޮލޮމްބޯގައެވެ.
މި މުބާރާތަށް ރާއްޖޭގެ ސީނިއާ ފުޓްބޯޅަ ޓީމުގެ ޕްރިލިމިނަރީ ސްކޮޑެއް މި މަހުގެ 26 ވަނަ ދުވަހު އެކުލަވާލިއިރު، މި ސްކޮޑަށް ބައެއް ބަދަލުތަކެއް ވަނީ ގެނެސްފައެވެ.

ލަންކާ މުބާރާތަށް ތައްޔާރުވުމުގެ ގޮތުން ބޭއްވި ފަރިތަކުރުންތަކުގެ ތެރެއިން-- ފޮޓޯ: ސަން
ގަލޮޅު ރަސްމީ ދަނޑުގައި މިއަދު ބޭއްވި ފަރިތަކުރުންތައް ބައްލަވާލައްވަން އެފްއޭއެމްގެ ރައީސް އަހުމަދު ޠާރިޤު ވަނީ ވަޑައިގެންފައެވެ. އަދި ޤައުމީ ޓީމުގައި ހިމެނޭ ހުރިހާ ކުޅުންތެރިންނާ ޠާރިޤު ވަނީ ބައްދަލުކުރައްވާފައެވެ.
އަނިޔާގެ ސަބަބުން ދުވަސްތަކަކަށް ކުޅުމާ ދުރުގައި ހުރި ތަޖުރިބާކާރު ގޯލްކީޕަރު މުޙައްމަދު ފައިސަލް ވެސް މި ފަހަރުގެ ސްކޮޑުގައި ހިމެނިފައިވާއިރު، ދިވެހި ފުޓުބޯޅައިގެ އުންމީދީ ދެ ކުޅުންތެރިން ކަމަށްވާ މުޙައްމަދު އިލާން އިމްރާން އާއި ހަސަން ރާއިދު ވެސް ވަނީ މިފަހަރުގެ ސްކޮޑުގައި ހިމަނާފައެވެ.
މުޙައްމަދު ޝިޔާޒް (މޯހަން)ގެ ދަށުން ގައުމީ ފުޓުބޯޅަ ޓީމުން ކުޅޭ މި މެޗުތަކަކީ އަލަށް އިންތިޚާބުވި ޓޮމްގެ އެކްސްކޯގެ ދަށުން ކުރެވުނު މަސައްކަތްތަކާއެކު ގައުމީ ސީނިއާ ޓީމުން ކުޅޭ ފުރަތަމަ މެޗުތަކެވެ.

ލަންކާ މުބާރާތަށް ތައްޔާރުވުމުގެ ގޮތުން ބޭއްވި ފަރިތަކުރުންތަކުގެ ތެރެއިން-- ފޮޓޯ: ސަން
ގައުމީ ޓީމުގެ އާ ކޯޗު މުހައްމަދު ޝިޔާޒު (މޯހަން) އެކުލަވާލި ފުރަތަމަ ސްކޮޑު
މާޒިޔާ ސްޕޯޓްސް އެންޑް ރެކްރިއޭޝަން
ސަމޫހު އަލީ - ސަމުއްޓެ ، ހުސެއިން ސިފާއު ޔޫސުފް - ކުރޯ، އިބްރާހިމް އައިސަމް، ނާއިޒު ހަަސަން - ދާދު ، ހަމްޒާ މުހައްމަދު - ހަމްޕު, ހައިޝަމް ހަސަން - ބިޑި، ހަސަން ނަޒީމް - ޗޯޓު، އަހުމަދު އައިހަމް - ފަތޯ، އިޔާން އަބްދުލް އަލީމް - ޗިކީ، ހަސަން ޝިފާޒް - ޑުންގާ, މުހައްމަދު އިލާން އިމްރާން
ނިއު ރޭޑިއަންޓް ސްޕޯޓްސް ކުލަބު
އަލީ ފާސިރު - ސެންޓޭ ، ހަސަން ރާއިފް އަހުމަދު - ހަންނަ، މުހައްމަދު އިރުފާން - އިރޭ
ބުރު ސްޕޯޓްސް ކުލަބު
މުހައްމަދު ފައިސަލް، އިބްރާހިމް އުސާމާ ހަސަން މަޖީދު - އުކާ
އޮޑި ސްޕޯޓްސް ކުލަބު
އަހުޒަމް ރަޝީދު - އަހު ، މުހައްމަދު ނާއިމް، އަހުމަދު އައިހަމް - އައިހު ، ހުސެއިން ނިހާން - ނިހާޓް ،
ޓީސީ ސްޕޯޓްސް ކުލަބު
ހަސަން އީނާޒް،
ކުލަބު އީގަލްސް
އިބްރާހިމް މަހުދީ ހުސެއިން - ފޭދޫ އިއްބެ ، ،، އަހުމަދު ރިޒުވާން - ރިޒޭ ، ، ހިސާމް ސަލީމް - ކޮކީ،
ވިކްޓްރީ ސްޕޯޓްސް ކުލަބު
މުހައްމަދު ޔާމީން
ކުލަބެއްގައި ނުހިމެނޭ ކުޅުންތެރިން
ހަސަން ރާއިދު